Воставъ
отъ сна,
прежде
всякаго
другого
дѣла, стань
благоговѣйно,
представляя
себя предъ
Всевидящимъ
Богомъ, и,
совершая
крестное
знаменіе,
произнеси:[1]
Во и́мя
Отца́, и Сы́на,
и Свята́го
Ду́ха. Ами́нь.
Затѣмъ
немного
подожди,
пока всѣ
чувства
твои не
придутъ въ
тишину и
мысли твои
не
оставятъ
все земное,
и тогда
произноси
слѣдующія
молитвы,
безъ
поспѣшности
и со
вниманіемъ
сердечнымъ:
Молитва
мытаря:
Бо́же,
ми́лостивъ
бу́ди мнѣ
грѣ́шному.
Молитва
предначинательная:
Го́споди
Іису́се
Христе́, Сы́не
Бо́жій,
моли́твъ
ра́ди
Пречи́стыя
Твоея́ Ма́тере
и всѣ́хъ
святы́хъ,
поми́луй
насъ. Ами́нь.[2]
Сла́ва
Тебѣ́, Бо́же
нашъ, сла́ва
Тебѣ́.
Царю́
Небе́сный,
Утѣ́шителю,
Ду́ше и́стины,
Иже вездѣ́
сый и вся́
исполня́яй,
Сокро́вище
благи́хъ и
жи́зни
Пода́телю,
пріиди́ и
всели́ся
въ ны, и очи́сти
ны отъ вся́кія
скве́рны, и
спаси́, Бла́же,
ду́шы на́шя.[3]
Святы́й
Бо́же,
Святы́й
Крѣ́пкій,
Святы́й
Безсме́ртный,
поми́луй
насъ (трижды).
Сла́ва
Отцу́ и Сы́ну
и Свято́му
Ду́ху, и ны́нѣ
и при́сно и
во вѣ́ки
вѣко́въ.
Ами́нь.
Пресвята́я
Тро́ице,
поми́луй
насъ; Го́споди,
очи́сти
грѣхи́ на́шя;
Влады́ко,
прости́
беззако́нія
на́ша;
Святы́й,
посѣти́ и
исцѣли́ не́мощи
на́шя, и́мене
Твоего́ ра́ди.
Го́споди,
поми́луй
(трижды).
Сла́ва
Отцу́ и Сы́ну
и Свято́му
Ду́ху, и ны́нѣ
и при́сно и
во вѣ́ки
вѣко́въ.
Ами́нь.
Отче
нашъ, Иже
еси́ на
небесѣ́хъ!
Да святи́тся
и́мя Твое́,
да пріи́детъ
Ца́рствіе
Твое́, да бу́детъ
во́ля Твоя́,
я́ко на
небеси́ и
на земли́.
Хлѣбъ нашъ
насу́щный
даждь намъ
днесь; и
оста́ви
намъ до́лги
на́шя, я́коже
и мы
оставля́емъ
должнико́мъ
на́шымъ; и
не введи́
насъ во
искуше́ніе,
но изба́ви
насъ отъ
лука́ваго.
Тропари
Троичные:
Воста́вше
отъ сна,
припа́даемъ
Ти, Бла́же, и
а́нгельскую
пѣснь
вопіе́мъ
Ти, Си́льне:
Святъ,
Святъ,
Святъ еси́,
Бо́же,
Богоро́дицею
поми́луй
насъ.
Сла́ва
Отцу́ и Сы́ну
и Свято́му
Ду́ху:
Отъ
одра́ и сна
воздви́глъ
мя еси́, Го́споди,
умъ мой
просвѣти́
и се́рдце, и
устне́ мои́
отве́рзи,
во е́же пе́ти
Тя, Свята́я
Тро́ице:
Святъ,
Святъ,
Святъ еси́,
Бо́же,
Богоро́дицею
поми́луй
насъ.
И
ны́нѣ и при́сно
и во вѣ́ки
вѣко́въ.
Ами́нь.
Внеза́пно
Судія́
пріи́детъ,
и коего́ждо
дѣя́нія
обнажа́тся,
но стра́хомъ
зове́мъ
въ полу́нощи:
Святъ,
Святъ,
Святъ еси́,
Бо́же,
Богоро́дицею
поми́луй
насъ.
Го́споди,
поми́луй
(12).
Молитва
ко
Пресвятой
Троицѣ:
Отъ
сна воста́въ,
благодарю́
Тя, Свята́я
Тро́ице, я́ко
мно́гія ра́ди
Твоея́ бла́гости
и
долготерпѣ́нія
не прогнѣ́вался
еси́ на мя,
лѣни́ваго
и грѣ́шнаго,
ниже́
погуби́лъ
мя еси́ со
беззако́ньми
мои́ми; но
человѣколю́бствовалъ
еси обы́чно
и въ неча́яніи
лежа́щаго
воздви́глъ
мя еси́, во е́же
у́треневати
и славосло́вити
держа́ву
Твою́. И ны́нѣ
просвѣти́
мои́ о́чи
мы́сленныя,
отве́рзи
моя́ уста́
поуча́тися
словесе́мъ
Твои́мъ, и
разумѣ́ти
за́повѣди
Твоя́, и
твори́ти
во́лю Твою́,
и пе́ти Тя
во исповѣ́даніи
серде́чнѣмъ,
и воспѣва́ти
всесвято́е
и́мя Твое́,
Отца́ и Сы́на
и Свята́го
Ду́ха, ны́нѣ
и при́сно и
во вѣ́ки
вѣко́въ.
Ами́нь.
Пріиди́те,
поклони́мся
Царе́ви на́шему
Бо́гу.
Пріиди́те,
поклони́мся
и припаде́мъ
Христу́,
Царе́ви на́шему
Бо́гу.
Пріиди́те,
поклони́мся
и припаде́мъ
Самому́
Христу́,
Царе́ви и
Бо́гу на́шему.
Псаломъ
50.
Поми́луй
мя, Бо́же, по
вели́цѣй
ми́лости
Твое́й, и по
мно́жеству
щедро́тъ
Твои́хъ
очи́сти
беззако́ніе
мое́. Наипа́че
омы́й мя
отъ
беззако́нія
моего́, и
отъ грѣха́
моего́ очи́сти
мя; яко
беззако́ніе
мое́ азъ
зна́ю, и
грѣхъ мой
пре́до мно́ю
есть вы́ну.
Тебѣ́ Еди́ному
согрѣши́хъ
и лука́вое
предъ Тобо́ю
сотвори́хъ,
я́ко да
оправди́шися
во словесѣ́хъ
Твои́хъ, и
побѣди́ши
внегда́
суди́ти Ти.
Се бо, въ
беззако́ніихъ
зача́тъ
есмь, и во
грѣсѣ́хъ
роди́ мя ма́ти
моя́. Се бо, и́стину
возлюби́лъ
еси́; безвѣ́стная
и та́йная
прему́дрости
Твоея́ яви́лъ
ми еси́.
Окропи́ши
мя vссо́помъ,
и очи́щуся;
омы́еши мя,
и па́че снѣ́га
убѣлю́ся.
Слу́ху
моему́ да́си
ра́дость и
весе́ліе;
возра́дуются
ко́сти
смире́нныя.
Отврати́
лице́ Твое́
отъ грѣхъ
мои́хъ и
вся
беззако́нія
моя́ очи́сти.
Се́рдце чи́сто
сози́жди
во мнѣ, Бо́же,
и духъ
правъ
обнови́ во
утро́бѣ
мое́й. Не
отве́ржи
мене́ отъ
лица́
Твоего́ и
Ду́ха
Твоего́
Свята́го
не отъими́
отъ мене́.
Возда́ждь
ми ра́дость
спасе́нія
Твоего́ и
Ду́хомъ
влады́чнимъ
утверди́
мя. Научу́
беззако́нныя
путе́мъ
Твои́мъ, и
нечести́віи
къ Тебѣ́
обратя́тся.
Изба́ви мя
отъ крове́й,
Бо́же, Бо́же
спасе́нія
моего́;
возра́дуется
язы́къ мой
пра́вдѣ
Твое́й. Го́споди,
устнѣ́ мои́
отве́рзеши,
и уста́ моя́
возвѣстя́тъ
хвалу́
Твою́. Яко а́ще
бы восхотѣ́лъ
еси́ же́ртвы,
далъ быхъ у́бо:
всесожже́нія
не
благоволи́ши.
Же́ртва Бо́гу
духъ
сокруше́нъ;
се́рдце
сокруше́нно
и смире́нно
Богъ не
уничижи́тъ.
Ублажи́, Го́споди,
благоволе́ніемъ
Твои́мъ
Сіо́на, и да
сози́ждутся
стѣ́ны
Іерусали́мскія.
Тогда́
благоволи́ши
же́ртву
пра́вды,
возноше́ніе
и
всесожега́емая;
тогда
возложа́тъ
на oлта́рь
Твой
тельцы́.
Сvмволъ
православной
вѣры:
Вѣ́рую
во еди́наго
Бо́га Отца́,
Вседержи́теля,
Творца́ не́бу
и земли́, ви́димымъ
же всѣмъ и
неви́димымъ.
И во еди́наго
Го́спода
Іису́са
Христа́, Сы́на
Бо́жія,
Единоро́днаго,
Иже отъ
Отца́
рожде́ннаго
пре́жде
всѣхъ вѣкъ;
Свѣ́та отъ
Свѣ́та, Бо́га
и́стинна
отъ Бо́га и́стинна,
рожде́нна,
несотворе́нна,
единосу́щна
Отцу́, Имже
вся бы́ша.
Насъ ра́ди
человѣ́къ
и на́шего
ра́ди
спасе́нія
сше́дшаго
съ небе́съ
и воплоти́вшагося
отъ Ду́ха
Свя́та и
Марíи Дѣ́вы
и вочеловѣ́чшася.
Распя́таго
же за ны при
Понтíйстѣмъ
Пила́тѣ, и
страда́вша,
и погребе́нна.
И воскре́сшаго
въ тре́тій
день по
Писа́ніемъ.
И возше́дшаго
на небеса́,
и сѣдя́ща
одесну́ю
Отца́. И па́ки
гряду́щаго
со сла́вою
суди́ти
живы́мъ и
ме́ртвымъ,
Его́же Ца́рствію
не бу́детъ
конца́. И въ
Ду́ха
Свята́го,
Го́спода,
Животворя́щаго,
Иже отъ
Отца́
исходя́щаго,
Иже со Отце́мъ
и Сы́номъ
спокланя́ема
и ссла́вима,
глаго́лавшаго
проро́ки.
Во еди́ну
Святу́ю,
Собо́рную
и Апо́стольскую
Це́рковь.
Исповѣ́дую
еди́но
креще́ніе
во оставле́ніе
грѣхо́въ.
Ча́ю
воскресе́нія
ме́ртвыхъ,
и жи́зни
бу́дущаго
вѣ́ка.
Ами́нь.
Молитва
1-я, св.
Макарія
Великаго:
Бо́же,
очи́сти мя
грѣ́шнаго,
я́ко
николи́же
сотвори́хъ
благо́е
предъ Тобо́ю;
но изба́ви
мя отъ лука́ваго,
и да бу́детъ
во мнѣ во́ля
Твоя́, да
неосужде́нно
отве́рзу
уста́ моя́
недосто́йная
и восхвалю́
и́мя Твое́
свято́е,
Отца́ и Сы́на
и Свята́го
Ду́ха, ны́нѣ
и при́сно и
во вѣ́ки
вѣко́въ.
Ами́нь.
Молитва
2-я, того же
святого:
Отъ
сна воста́въ,
полу́нощную
пѣснь
приношу́
Ти, Спа́се, и
припа́дая
вопію́ Ти:
не даждь ми
усну́ти во
грѣхо́внѣй
сме́рти, но
уще́дри мя,
распны́йся
во́лею, и
лежа́щаго
мя въ лѣ́ности
ускори́въ
возста́ви,
и спаси́ мя
въ
предстоя́ніи
и моли́твѣ,
и по снѣ
нощнѣ́мъ
возсія́й
ми день
безгрѣ́шенъ,
Христе́ Бо́же,
и спаси́ мя.
Молитва
3-я, того же
святого:
Къ
Тебѣ́,
Влады́ко
Человѣколю́бче,
отъ сна
воста́въ
прибѣга́ю,
и на дѣла́
Твоя́
подвиза́юся
милосе́рдіемъ
Твои́мъ, и
молю́ся
Тебѣ́:
помози́
мнѣ на вся́кое
вре́мя, во
вся́кой ве́щи,
и изба́ви
мя отъ вся́кія
мірскíя злы́я
ве́щи и діа́вольскаго
поспѣше́нія,
и спаси́ мя,
и введи́ въ
Ца́рство
Твое́ вѣ́чное.
Ты бо еси́
мой
Сотвори́тель
и вся́кому
бла́гу
Промы́сленникъ
и Пода́тель,
о Тебѣ́ же
все упова́ніе
мое́, и Тебѣ́
сла́ву
возсыла́ю,
ны́нѣ и при́сно
и во вѣ́ки
вѣко́въ.
Ами́нь.
Молитва
4-я, того же
святого:
Го́споди,
Иже мно́гою
Твое́ю бла́гостію
и вели́кими
щедро́тами
Твои́ми
далъ еси́
мнѣ, рабу́
Твоему́,
мимоше́дшее
вре́мя но́щи
сея́ безъ
напа́сти
прейти́
отъ вся́каго
зла проти́вна;
Ты Самъ,
Влады́ко,
вся́ческихъ
Тво́рче,
сподоби́
мя и́стиннымъ
Твои́мъ
свѣ́томъ и
просвѣще́ннымъ
се́рдцемъ
твори́ти
во́лю Твою́,
ны́нѣ и при́сно
и во вѣ́ки
вѣко́въ.
Ами́нь.
Молитва
5-я, св.
Василія
Великаго:
Го́споди
Вседержи́телю,
Бо́же силъ
и вся́кія
пло́ти, въ
вы́шнихъ
живы́й и на
смире́нныя
призира́яй,
сердца́ же
и утро́бы
испыту́яй
и сокрове́нная
человѣ́ковъ
я́вѣ
предвѣ́дый,
Безнача́льный
и Присносу́щный
Свѣ́те, у
Него́же
нѣсть
премѣне́нія,
или́
преложе́нія
осѣне́ніе;
Самъ,
Безсме́ртный
Царю́,
пріими́
моле́нія
на́ша, я́же
въ настоя́щее
вре́мя, на
мно́жество
Твои́хъ
щедро́тъ
дерза́юще,
отъ скве́рныхъ
къ Тебѣ́
усте́нъ
твори́мъ, и
оста́ви
намъ
прегрѣше́нія
на́ша, я́же
дѣ́ломъ, и
сло́вомъ, и
мы́слію, вѣ́дѣніемъ,
или́ невѣ́дѣніемъ
согрѣ́шенная
на́ми; и очи́сти
ны отъ вся́кія
скве́рны
пло́ти и ду́ха.
И да́руй
намъ бо́дреннымъ
се́рдцемъ
и тре́звенною
мы́слію
всю настоя́щаго
житія́
нощь
прейти́,
ожида́ющымъ
прише́ствія
свѣ́тлаго
и явле́ннаго
дне
Единоро́днаго
Твоего́ Сы́на,
Го́спода и
Бо́га и Спа́са
на́шего
Іису́са
Христа́, во́ньже
со сла́вою
Судія́
всѣхъ пріи́детъ,
кому́ждо
отда́ти по
дѣло́мъ
его́; да не
па́дше и
облѣни́вшеся,
но бо́дрствующе
и воздви́жени
въ дѣ́ланіе
обря́щемся
гото́ви, въ
ра́дость и
Боже́ственный
черто́гъ
сла́вы Его́
совни́демъ,
идѣ́же пра́зднующихъ
гласъ
непреста́нный,
и неизрече́нная
сла́дость
зря́щихъ
Твоего́
лица́
добро́ту
неизрече́нную.
Ты бо еси́ и́стинный
Свѣтъ,
просвѣща́яй
и освяща́яй
вся́ческая,
и Тя пое́тъ
вся тварь
во вѣ́ки
вѣко́въ.
Ами́нь.
Молитва
6-ая, того же
святого:
Тя
благослови́мъ,
вы́шній Бо́же,
и Го́споди
ми́лости,
творя́щаго
при́сно съ
на́ми вели́кая
же и
неизслѣ́дованная,
сла́вная
же и ужа́сная,
и́хже
нѣсть
числа́,
пода́вшаго
намъ сонъ
во упокое́ніе
не́мощи на́шея,
и ослабле́ніе
трудо́въ
многотру́дныя
пло́ти.
Благодари́мъ
Тя, я́ко не
погуби́лъ
еси́ насъ
со беззако́ньми
на́шими, но
человѣколю́бствовалъ
еси́ обы́чно,
и въ неча́яніи
лежа́щія
ны воздви́глъ
еси́, во е́же
славосло́вити
держа́ву
Твою́. Тѣ́мже
мо́лимъ
безмѣ́рную
Твою́ бла́гость,
просвѣти́
на́шя мы́сли,
очеса́, и
умъ нашъ
отъ тя́жкаго
сна лѣ́ности
возста́ви:
отве́рзи
на́ша уста́,
и испо́лни
я Твоего́
хвале́нія,
я́ко да
возмо́жемъ
непоколе́блемо
пѣ́ти же и
исповѣ́датися
Тебѣ́, во
всѣхъ и отъ
всѣхъ сла́вимому
Бо́гу,
Безнача́льному
Отцу́, со
Единоро́днымъ
Твои́мъ Сы́номъ,
и Всесвяты́мъ
и Благи́мъ
и
Животворя́щимъ
Твои́мъ Ду́хомъ,
ны́нѣ и при́сно
и во вѣ́ки
вѣко́въ.
Ами́нь.
Молитва
7-я, ко
Пресвятѣй
Богородицѣ:
Воспѣва́ю
благода́ть
Твою́,
Влады́чице,
молю́ Тя,
умъ мой
облагодати́.
Ступа́ти
пра́во мя
наста́ви,
путю́
Христо́выхъ
за́повѣдей.
Бдѣ́ти къ
пѣ́сни
укрѣпи́,
уны́нія
сонъ
отгоня́ющи.
Свя́зана
плени́цами
грѣхопаде́ній,
мольба́ми
Твои́ми
разрѣши́,
Богоневѣ́сто.
Въ нощи́ мя
и во дни
сохраня́й,
борю́щихъ
врагъ
избавля́ющи
мя. Жизнода́теля
Бо́га ро́ждшая,
умерщвле́на
мя
страстьми́
оживи́. Яже
Свѣтъ
невече́рній
ро́ждшая,
ду́шу мою́
ослѣ́пшую
просвѣти́.
О ди́вная
Влады́чня
пала́то,
домъ Ду́ха
Боже́ственна
мене́
сотвори́.
Врача́ ро́ждшая,
уврачу́й
души́ моея́
многолѣ́тныя
стра́сти.
Волну́ющася
жите́йскою
бу́рею, ко
стези́ мя
покая́нія
напра́ви.
Изба́ви мя
огня́ вѣ́чнующаго,
и че́рвія
же зла́го, и
та́ртара.
Да мя не яви́ши
бѣсо́мъ ра́дованіе,
и́же мно́гимъ
грѣхо́мъ
пови́нника.
Но́ва
сотвори́
мя, обетша́вшаго
нечу́вственными,
Пренепоро́чная,
согрѣше́ніи.
Стра́нна
му́ки вся́кія
покажи́ мя,
и всѣхъ
Влады́ку
умоли́.
Небе́сная
ми улучи́ти
весе́лія,
со всѣ́ми
святы́ми,
сподо́би.
Пресвята́я
Дѣ́во, услы́ши
гласъ
непотре́бнаго
раба́
Твоего́.
Струю́
дава́й мнѣ
слеза́мъ,
Пречи́стая,
души́ моея́
скве́рну
очища́ющи.
Стена́нія
отъ се́рдца
приношу́
Ти
непреста́нно,
усе́рдствуй,
Влады́чице.
Моле́бную
слу́жбу
мою́
пріими́, и
Бо́гу
благоутро́бному
принеси́.
Превы́шшая
а́нгелъ,
мірска́го
мя превы́шша
сли́тія
сотвори́.
Свѣтоно́сная
Сѣ́не небе́сная,
духо́вную
благода́ть
во мнѣ
напра́ви.
Ру́цѣ
воздѣ́ю и
устнѣ́ къ
похвале́нію,
оскверне́ны
скве́рною,
Всенепоро́чная.
Душетлѣ́нныхъ
мя па́костей
изба́ви,
Христа́
прилѣ́жно
умоля́ющи;
Ему́же
честь и
поклоне́ніе
подоба́етъ,
ны́нѣ и при́сно
и во вѣ́ки
вѣко́въ.
Ами́нь.
Молитва
8-я, ко
Господу
нашему
Іисусу
Христу:
Многоми́лостиве
и Всеми́лостиве
Бо́же мой,
Го́споди
Іису́се
Христе́,
мно́гія ра́ди
любве́
сшелъ и
воплоти́лся
еси́, я́ко
да спасе́ши
всѣхъ. И па́ки,
Спа́се,
спаси́ мя
по благода́ти,
молю́ Тя; а́ще
бо отъ дѣлъ
спасе́ши
мя, нѣсть се
благода́ть
и даръ, но
долгъ па́че.
Ей, мно́гій
въ щедро́тахъ
и неизрече́нный
въ ми́лости!
Вѣ́руяй бо
въ Мя, реклъ
еси́, о
Христе́
мой, живъ бу́детъ
и не у́зритъ
сме́рти во
вѣ́ки. Аще у́бо
вѣ́ра, я́же
въ Тя, спаса́етъ
отча́янныя,
се вѣ́рую,
спаси́ мя, я́ко
Богъ мой
еси́ Ты и
Созда́тель.
Вѣ́ра же
вмѣ́сто
дѣлъ да
вмѣни́тся
мнѣ, Бо́же
мой, не взы́щеши
дѣлъ отню́дъ
оправда́ющихъ
мя. Но та вѣ́ра
моя́ да
довлѣ́етъ
вмѣ́сто
всѣхъ, та да
отвѣща́етъ,
та да
оправди́тъ
мя, та да
пока́жетъ
мя прича́стника
сла́вы
Твоея́ вѣ́чныя.
Да не у́бо
похи́титъ
мя сатана́,
и похва́лится,
Сло́ве, е́же
отто́ргнути
мя отъ
Твоея́
руки́ и
огра́ды; но
или́ хощу́,
спаси́ мя,
или́ не
хощу́,
Христе́
Спа́се мой,
предвари́
ско́ро, ско́ро
погибо́хъ:
Ты бо еси́
Богъ мой
отъ чре́ва
ма́тере
моея́.
Сподо́би
мя, Го́споди,
ны́нѣ
возлюби́ти
Тя, я́коже
возлюби́хъ
иногда́
той са́мый
грѣхъ; и па́ки
порабо́тати
Тебѣ́ безъ
лѣ́ности
то́щно, я́коже
порабо́тахъ
пре́жде
сатанѣ́
льсти́вому.
Наипа́че
же порабо́таю
Тебѣ́, Го́споду
и Бо́гу
моему́
Іису́су
Христу́, во
вся дни
живота́
моего́, ны́нѣ
и при́сно и
во вѣ́ки
вѣко́въ.
Ами́нь.
Молитва
9-я, къ Ангелу
хранителю:
Святы́й
Ангеле,
предстоя́й
окая́нной
мое́й души́
и стра́стной
мое́й жи́зни,
не оста́ви
мене́ грѣ́шнаго,
ниже́
отступи́
отъ мене́
за
невоздержа́ніе
мое́. Не
даждь мѣ́ста
лука́вому
де́мону
облада́ти
мно́ю, наси́льствомъ
сме́ртнаго
сего́
тѣлесе́;
укрѣпи́ бѣ́дствующую
и ху́дую
мою́ руку́
и наста́ви
мя на путь
спасе́нія.
Ей, святы́й
Ангеле Бо́жій,
храни́телю
и покрови́телю
окая́нныя
моея́ души́
и тѣ́ла, вся
мнѣ прости́,
ели́кими
тя оскорби́хъ
во вся дни
живота́
моего́, и а́ще
что
согрѣши́хъ
въ преше́дшую
нощь сію́,
покры́й мя
въ настоя́щій
день, и
сохрани́
мя отъ вся́каго
искуше́нія
проти́внаго,
да ни въ ко́емъ
грѣсѣ́
прогнѣ́ваю
Бо́га, и
моли́ся за
мя ко Го́споду,
да утверди́тъ
мя въ стра́сѣ
Свое́мъ, и
досто́йна
пока́жетъ
мя раба́
Своея́ бла́гости.
Ами́нь.
Молитва
10-ая, ко
Пресвятѣй
Богородицѣ:
Пресвята́я
Влады́чице
моя́
Богоро́дице,
святы́ми
Твои́ми и
всеси́льными
мольба́ми
отжени́
отъ мене́,
смире́ннаго
и окая́ннаго
раба́
Твоего́,
уны́ніе,
забве́ніе,
неразу́міе,
нерадѣ́ніе,
и вся скве́рная,
лука́вая и
ху́льная
помышле́нія
отъ окая́ннаго
моего́ се́рдца
и отъ
помраче́ннаго
ума́ моего́;
и погаси́
пла́мень
страсте́й
мои́хъ, я́ко
нищъ есмь и
окая́ненъ.
И изба́ви
мя отъ мно́гихъ
и лю́тыхъ
воспомина́ній
и предпрія́тій,
и отъ всѣхъ
дѣйствъ
злыхъ
свободи́
мя. Яко
благослове́на
еси́ отъ
всѣхъ родо́въ,
и сла́вится
пречестно́е
и́мя Твое́
во вѣ́ки
вѣко́въ.
Ами́нь.
Молитвенное
призываніе
святого,
егоже имя
носиши:
Моли́
Бо́га о мнѣ,
святы́й
уго́дниче
Бо́жій (имя),
я́ко азъ
усе́рдно
къ тебѣ́
прибѣга́ю,
ско́рому
помо́щнику
и моли́твеннику
о душѣ́ мое́й.
Пѣснь
Пресвятѣй
Богородицѣ:
Богоро́дице
Дѣ́во, ра́дуйся,
Благода́тная
Марíе, Госпо́дь
съ Тобо́ю;
благослове́на
Ты въ жена́хъ
и
благослове́нъ
плодъ чре́ва
Твоего́, я́ко
Спа́са
родила́
еси́ душъ
на́шихъ.
Тропарь
Креста и
молитва за
отечество:
Спаси́,
Го́споди,
лю́ди Твоя́,
и
благослови́
достоя́ніе
Твое́, побѣ́ды
на сопроти́вныя
да́руя, и
Твое́
сохраня́я
Кресто́мъ
Твои́мъ жи́тельство.
Молитва
послѣднихъ
Оптинскихъ
старцевъ:[4]
Го́споди,
дай мнѣ съ
душе́внымъ
споко́йствіемъ
встрѣ́тить
все, что
принесётъ
мнѣ
наступа́ющій
день. Дай
мнѣ всецѣ́ло
преда́ться
во́лѣ Твое́й
свято́й. На
вся́кій
часъ сего́
дня во
всемъ
наста́вь и
поддержи́
меня́. Какíя
бы я ни
получа́лъ
извѣ́стія
въ тече́ніе
дня, научи́
меня́
приня́ть
ихъ со
споко́йной
душо́й и
твёрдымъ
убѣжде́ніемъ,
что на все
свята́я во́ля
Твоя́.
Во
всѣхъ
слова́хъ и
дѣла́хъ
мои́хъ
руководи́
мои́ми мы́слями
и чу́вствами.
Во всѣхъ
непредви́дѣнныхъ
слу́чаяхъ
не дай мнѣ
забы́ть,
что все
ниспо́слано
Тобо́й.
Научи́
меня́ пря́мо
и разу́мно
дѣ́йствовать
съ ка́ждымъ
чле́номъ
семьи́ мое́й,
никого́ не
смуща́я и
не огорча́я.
Го́споди,
дай мнѣ си́лу
перенести́
утомле́ніе
наступа́ющаго
дня и всѣ
собы́тія
въ тече́ніе
дня.
Руководи́
мое́ю во́лею
и научи́
меня́ моли́ться,
вѣ́рить,
надѣ́яться,
терпѣ́ть,
проща́ть и
люби́ть.
Ами́нь.
Молитва
Парѳенія
Кіевскаго:
Го́споди,
Іису́се
Христе́, Сы́не
Бо́жій! не
попусти́,
что́бы су́етность,
самолю́біе,
чу́вственность,
нерадѣ́ніе,
гнѣвъ
госпо́дствовали
на́до мно́ю
и похища́ли
меня́ у
любви́
Твое́й. О,
мой Го́споди,
Созда́тель
мой, все
Упова́ніе
моё! Не оста́ви
меня́ безъ
удѣ́ла въ
блаже́нной
вѣ́чности;
содѣ́лай,
да и я послѣ́дую
Свято́му
примѣ́ру
Твоему́, бу́ду
поко́ренъ
властя́мъ,
на́до мно́ю
поста́вленнымъ;
да́руй мнѣ
сію́
чистоту́
ду́ха, сію́
простоту́
се́рдца,
кото́рыя
дѣ́лаютъ
насъ досто́йными
любви́
Твое́й.
Къ
Тебѣ́, о Бо́же
мой!
возношу́
ду́шу мою́
и се́рдце
моё, не
попусти́
поги́бнуть
созда́нію
Твоему́, но
изба́вь
меня́ отъ
еди́нственнаго
и велича́йшаго
зла — грѣха́.
Содѣ́лай,
Го́споди,
да
переношу́
съ таки́мъ
же терпѣ́ніемъ
безпоко́йства
и ско́рби
душе́вныя,
съ како́ю
ра́достію
пріе́млю
удово́льствія
серде́чныя.
Если Ты хо́чешь,
Го́споди,
мо́жешь
очи́стить
и освяти́ть
меня́. Се
предаю́
себя́ Твое́й
Бла́гости
прося́
истреби́ть
изъ меня́
все проти́вное
Тебѣ́ и
присоедини́ть
къ со́нму
избра́нныхъ
Твои́хъ.
Го́споди!
отыми́ отъ
меня́ пра́здность
ду́ха,
погубля́ющую
вре́мя, су́етность
мы́слей,
мѣша́ющую
Твоему́
прису́тствію,
и развлека́ющую
внима́ніе
моё въ моли́твѣ.
Если же,
моля́сь, я
уклоня́юсь
отъ Тебя́
мои́ми по́мыслами,
то помоги́
мнѣ, дабы́
сіе́
развлече́ніе
бы́ло не
произво́льно,
и отвраща́я
умъ, да не
отвращу́
се́рдце
отъ Тебя́.
Исповѣ́дую
Тебѣ́, Го́споду
Бо́гу
моему́, всѣ
грѣхи́
моего́
беззако́нія,
ны́нѣ и пре́жде
содѣ́ланные
предъ Тобо́ю,
отпусти́
мнѣ ихъ ра́ди
и́мени
Твоего́
Свято́го, и
спаси́ ду́шу
мою́, кото́рую
Ты искупи́лъ
драгоцѣ́нною
кро́вію
Твое́ю.
Вруча́ю
себя́
милосе́рдію
Твоему́,
предаю́сь
въ во́лю
Твою́,
твори́ со
мно́ю по
бла́гости
Твое́й, а не
по зло́бѣ и
беззако́нію
моему́;
научи́
меня́, Го́споди,
располага́ть
дѣла́ свои́
такъ, что́бы
они́
споспѣше́ствовали
къ
прославле́нію
и́мени
Твоего́
Свято́го.
Умилосе́рдись,
Го́споди, о
всѣхъ
христіа́нахъ,
услы́ши
жела́ніе
всѣхъ
вопію́щихъ
къ Тебѣ́,
изба́ви
отъ вся́каго
зла, спаси́
рабо́въ
Твои́хъ (имена),
пошли́ имъ
отра́ду,
утѣше́ніе
въ ско́рбяхъ
и ми́лость
Твою́
святу́ю. Го́споди!
молю́ Тебя́
осо́бенно
о тѣхъ, кото́рые
меня́ чѣмъ
ли́бо оби́дѣли,
оскорби́ли
и опеча́лили,
и́ли како́е
ли́бо зло
сдѣ́лали:
не на-ка́зывай
ихъ меня́
ра́ди грѣ́шнаго,
но проле́й
на нихъ бла́гость
Твою́...
Го́споди,
молю́ Тебя́
о всѣхъ,
кото́рыхъ
я, грѣ́шный,
опеча́лилъ,
оби́дѣлъ и́ли
соблазни́лъ,
сло́вомъ,
дѣ́ломъ,
помышле́ніемъ,
вѣ́дѣніемъ,
и невѣ́дѣніемъ.
Го́споди
Бо́же!
отпусти́
намъ на́ши
взаи́мныя
оскорбле́нія;
изжени́, Го́споди,
изъ серде́цъ
на́шихъ
вся́кое
негодова́ніе,
подозрѣ́ніе,
гнѣвъ,
памятозло́біе,
ссо́ры и
все то, что
мо́жетъ
препя́тствовать
любви́ и
уменьша́ть
братолю́біе.
Поми́луй,
Го́споди,
тѣхъ, кото́рые
поручи́ли
мнѣ, грѣ́шному,
недосто́йному,
моли́ться
о нихъ. Поми́луй,
Го́споди,
вся́каго
прося́щаго
Твое́й по́мощи.
Го́споди!
сотвори́
сей день
днемъ
милосе́рдія
твоего́,
пода́й ка́ждому
по проше́нію
его́, бу́ди
па́стыремъ
заблу́дшихъ,
вождёмъ и
свѣ́томъ
невѣ́дущихъ,
наста́вникомъ
нему́дрыхъ,
отцёмъ си́рыхъ,
помо́щникомъ
угнетённыхъ,
врачёмъ
больны́хъ,
утѣ́шителемъ
умира́ющихъ,
и приведи́
насъ всѣхъ
къ жела́нному
концу́, къ
Тебѣ́,
Приста́нищу
на́шему и
блаже́нному
Упокое́нію.
Аминь.
Молитва
о живыхъ:
Спаси́,
Го́споди, и
поми́луй
отца́
моего́
духо́внаго
(имя),
роди́телей
мои́хъ (имена),
сро́дниковъ
(имена),
нача́льниковъ,
наста́вниковъ,
благодѣ́телей
(имена
ихъ) и
всѣхъ
правосла́вныхъ
христіа́нъ.
Молитва
о усопшихъ:
Упоко́й,
Го́споди,
ду́ши усо́пшихъ
рабъ Твои́хъ:
роди́телей
мои́хъ, сро́дниковъ,
благодѣ́телей
(имена
ихъ), и
всѣхъ
правосла́вныхъ
христіа́нъ,
и прости́
имъ вся
согрѣше́нія
во́льная и
нево́льная,
и да́руй
имъ Ца́рствіе
Небе́сное.
Если
можешь,
читай
вмѣсто
краткихъ
молитвъ о
живыхъ и
усопшихъ
этотъ
помяникъ:
О
живыхъ:
Помяни́,
Го́споди
Іису́се
Христе́, Бо́же
нашъ, ми́лости
и щедро́ты
Твоя́ отъ
вѣ́ка су́щія,
и́хже ра́ди
и вочеловѣ́чился
еси́, и
распя́тіе
и смерть,
спасе́нія
ра́ди пра́во
въ Тя вѣ́рующихъ,
претерпѣ́ти
изво́лилъ
еси́; и
воскре́съ
изъ ме́ртвыхъ,
возне́слся
еси́ на
небеса́ и
сѣди́ши
одесну́ю
Бо́га Отца́,
и призира́еши
на смире́нныя
мольбы́
всѣмъ се́рдцемъ
призыва́ющихъ
Тя:
приклони́
у́хо Твое́,
и услы́ши
смире́нное
моле́ніе
мене́,
непотре́бнаго
раба́
Твоего́, въ
воню́
благоуха́нія
духо́внаго,
Тебѣ́ за
вся лю́ди
Твоя́
принося́щаго.
И въ пе́рвыхъ
помяни́ Це́рковь
Твою́
Святу́ю,
Собо́рную
и Апо́стольскую,
ю́же
снабдѣ́лъ
еси́
честно́ю
Твое́ю Кро́вію,
и утверди́,
и укрѣпи́, и
разшири́,
умножи́,
умири́, и
непреобори́му
а́довыми
враты́ во
вѣ́ки
сохрани́;
раздира́нія
Церкве́й
утиши́,
шата́нія
язы́ческая
угаси́, и е́ресей
воста́нія
ско́ро
разори́ и
искорени́,
и въ ничто́же
си́лою
Свята́го
Твоего́ Ду́ха
обрати́ (поклонъ).
Спаси́,
Го́споди, и
поми́луй
Бо́гомъ
храни́мую
страну́ на́шу,
вла́сти и
во́инство
ея́, да ти́хое
и безмо́лвное
житіе́
поживе́мъ
во вся́комъ
благоче́стіи
и чистотѣ́ (поклонъ).
Спаси́,
Го́споди, и
поми́луй
Вели́каго
Господи́на
и Отца́ на́шего
Святѣ́йшаго
Патріа́рха
Кири́лла, и
господи́на
на́шего
митрополи́та
(или
архіепископа,
или
епископа, имярекъ,
егоже есть
область),
преосвяще́нныя
митрополи́ты,
архіепи́скопы
и епи́скопы
правосла́вныя,
іере́и же и
діа́коны, и
весь при́четъ
церко́вный,
я́же поста́вилъ
еси́ пасти́
слове́сное
Твое́ ста́до,
и моли́твами
ихъ поми́луй
и спаси́ мя
грѣ́шнаго (поклонъ).
Спаси́,
Го́споди, и
поми́луй
отца́
моего́
духо́внаго
(имярекъ),
и святы́ми
его́ моли́твами
прости́
моя́
согрѣше́нія
(поклонъ).
Спаси́,
Го́споди, и
поми́луй
роди́тели
моя́ (имена
ихъ), бра́тію
и се́стры, и
сро́дники
моя́ по пло́ти,
и вся бли́жнія
ро́да
моего́, и
дру́ги, и да́руй
имъ мíрная
Твоя́ и
премíрная
блага́я (поклонъ).
Спаси́,
Го́споди, и
поми́луй
ста́рцы и ю́ныя,
ни́щія и
сиро́ты и
вдови́цы, и
су́щія въ
болѣ́зни и
въ печа́лехъ,
бѣда́хъ же
и ско́рбехъ,
обстоя́ніихъ
и плѣне́ніихъ,
темни́цахъ
же и заточе́ніихъ,
изря́днѣе
же въ гоне́ніихъ,
Тебе́ ра́ди
и вѣ́ры
правосла́вныя,
отъ язы́къ
безбо́жныхъ,
отъ отсту́пникъ
и отъ
еретико́въ,
су́щія
рабы́ Твоя́,
и помяни́ я,
посѣти́,
укрѣпи́,
утѣши́, и
вско́рѣ си́лою
Твое́ю
осла́бу,
свобо́ду и
изба́ву
имъ пода́ждь
(поклонъ).
Спаси́,
Го́споди, и
поми́луй
ненави́дящія
и оби́дящія
мя, и творя́щія
ми напа́сти,
и не оста́ви
ихъ поги́бнути
мене́ ра́ди
грѣ́шнаго (поклонъ).
Отступи́вшія
отъ
правосла́вныя
вѣ́ры и
поги́бельными
ересьми́
ослѣпле́нныя,
свѣ́томъ
Твоего́
позна́нія
просвѣти́
и Святѣ́й
Твое́й Апо́стольстѣй
Собо́рнѣй
Це́ркви
причти́ (поклонъ).
О
усопшихъ:
Помяни́,
Го́споди,
отъ житія́
сего́ отше́дшія
правовѣ́рныя
цари́ и
цари́цы,
благовѣ́рныя
князи́ и
княги́ни,
святѣ́йшія
патріа́рхи,
преосвяще́нныя
митрополи́ты,
архіепи́скопы
и епи́скопы
правосла́вныя,
во іере́йстѣмъ
же и въ при́чтѣ
церко́внѣмъ,
и мона́шестѣмъ
чи́нѣ Тебѣ́
послужи́вшія,
и въ вѣ́чныхъ
Твои́хъ
селе́ніихъ
со святы́ми
упоко́й (поклонъ).
Помяни́,
Го́споди,
ду́шы усо́пшихъ
рабо́въ
Твои́хъ,
роди́телей
мои́хъ (имена
ихъ), и
всѣхъ сро́дниковъ
по пло́ти; и
прости́
ихъ вся
согрѣше́нія
во́льная и
нево́льная,
да́руя имъ
Ца́рствіе
и прича́стіе
вѣ́чныхъ
Твои́хъ
благи́хъ и
Твоея́
безконе́чныя
и блаже́нныя
жи́зни
наслажде́ніе
(поклонъ).
Помяни́,
Го́споди, и
вся въ наде́жди
воскресе́нія
и жи́зни вѣ́чныя
усо́пшія,
отцы́ и бра́тію
на́шу, и се́стры,
и здѣ лежа́щія
и повсю́ду
правосла́вныя
христіа́ны,
и со святы́ми
Твои́ми,
идѣ́же
присѣща́етъ
свѣтъ лица́
Твоего́,
всели́, и
насъ поми́луй,
я́ко благъ
и
Человѣколю́бецъ.
Ами́нь (поклонъ).
Пода́ждь,
Го́споди,
оставле́ніе
грѣхо́въ
всѣмъ пре́жде
отше́дшымъ
въ вѣ́рѣ и
наде́жди
воскресе́нія,
отце́мъ,
бра́тіямъ
и сестра́мъ
на́шымъ, и
сотвори́
имъ вѣ́чную
па́мять (трижды).
Окончаніе
молитвъ:
Досто́йно
есть, я́ко
вои́стину,
блажи́ти
Тя Богоро́дицу,
присноблаже́нную
и
пренепоро́чную
и Ма́терь
Бо́га на́шего.
Честнѣ́йшую
херуви́мъ
и сла́внѣйшую
безъ
сравне́нія
серафи́мъ,
безъ истлѣ́нія
Бо́га Сло́ва
ро́ждшую,
су́щую
Богоро́дицу
Тя велича́емъ.[5]
Сла́ва
Отцу́ и Сы́ну
и Свято́му
Ду́ху, и ны́нѣ
и при́сно и
во вѣ́ки
вѣко́въ.
Ами́нь.
Го́споди,
поми́луй (трижды).
Го́споди,
благослови́
(и
отпустъ).
Го́споди,
Іису́се
Христе́, Сы́не
Бо́жій,
моли́твъ
ра́ди
Пречи́стыя
Твоея́ Ма́тере,
преподо́бныхъ
и богоно́сныхъ
оте́цъ на́шихъ
и всѣхъ
святы́хъ
поми́луй
насъ. Ами́нь.
[1]
Напечатанное
курсивомъ
(поясненія
и названія
молитвъ)
не
читается
во время
молитвы.
[2]
Вмѣсто
этой
молитвы
можно
читать
слѣдующую:
„Молитвами
Святыхъ
Отецъ
нашихъ,
Господи
Іисусѣ
Христѣ
Боже нашъ,
помилуй
насъ.
Аминь“.
[3]
Отъ Пасхи
до
Вознесенія
вмѣсто
этой
молитвы
читается
тропарь: „Христосъ
воскресе
изъ
мертвыхъ,
смертію
смерть
поправъ, и
сущимъ во
гробехъ
животъ
даровавъ“ (трижды).
Отъ
Вознесенія
до Троицы
начинаемъ
молитвы со
„Святый
Боже...“,
опуская
всѣ
предшествующія.
Это
замѣчаніе
относится
и къ
молитвамъ
на сонъ
грядущимъ.
[4]
Нижеслѣдующія
двѣ
молитвы не
входятъ въ
составъ
утреннихъ
молитвъ,
но
помѣщаются
здѣсь для
благочестиваго
употребленія
произволящихъ.
[5]
Отъ Пасхи
до
Вознесенія
вмѣсто
этой
молитвы
читается
припѣвъ и
ирмосъ 9-й
пѣсни
пасхальнаго
канона: „Ангелъ
вопiя́ше
Благода́тнѣй:
Чи́стая Дѣ́во,
ра́дуйся! И
па́ки реку́:
ра́дуйся!
Твой Сынъ
воскре́се
тридне́венъ
отъ гро́ба
и ме́ртвыя
воздви́гнувый;
лю́діе,
весели́теся!
Свѣти́ся,
свѣти́ся,
но́вый
Іерусали́ме,
сла́ва бо
Госпо́дня
на тебѣ́
возсiя́.
Лику́й ны́нѣ
и весели́ся,
Сіо́не. Ты
же, Чи́стая,
красу́йся,
Богоро́дице,
о воста́нiи
Рождества́
Твоего́“.
Это
замѣчаніе
относится
и къ
вечернимъ
молитвамъ.
